نۇرسۇلتان نازارباەۆ زامزاگۇل ءشارىپوۆانىڭ قايتىس بولۋىنا بايلانىستى تۋعان-تۋىسقاندارى مەن جاقىندارىنا كوڭىل ايتۋ جەدەلحاتىن جولدادى, دەپ حابارلايدى اقوردانىڭ ءباسپاسوز قىزمەتى.
مەملەكەت باسشىسى قازاقستاننىڭ حالىق ءارتىسى, تەاتر جانە كينو ونەرىنىڭ مايتالمانى زامزاگۇل ءشارىپوۆانىڭ تۋعان-تۋىسقاندارى مەن جاقىندارىنا كوڭىل ايتتى.
«زامزاگۇل نۇسىپبايقىزى ۇلتتىق دراماتۋرگيا سالاسىنداعى تالانتتى اكتەرلەر شوعىرىنىڭ بەلدى وكىلدەرىنىڭ ءبىرى بولاتىن. ونىڭ كينودا جانە تەاتر ساحناسىندا سومداعان ايشىقتى رولدەرىن ونەرسۇيەر قاۋىم ءاردايىم قىزىعا تاماشالادى. ول ەشكىمگە ۇقسامايتىن قايتالانباس قولتاڭباسى ارقىلى ءوز سالاسىندا ايرىقشا ءىز قالدىردى.
زامزاگۇل ءشارىپوۆانىڭ قازاق ونەرىندەگى ەرەكشە ورنى مەن جارقىن ديدارى ەشقاشان ۇمىتىلمايدى دەپ سەنەمىن», – دەلىنگەن جەدەلحاتتا.